Text aus dem Hauptfenster in Zwischenablage kopieren

1
¶ Vele grotes arbeydes heft eyn narre
2
Wo dat syne sele tor hellen vare
3
Vnde heft dar vmme meer arbeyt
4
Wan de klusener vmme de salicheyt
5
Men sued wat arbeyt de homod had
6
Myt bedruck holt mannich synen stad
7
De ghyricheyt drift mannigen ouer de see
8
Dorch vnweder . regen vnde snee
9
Scholde men vmme de salicheyt hebben de pyn
10
Men spreke . yd konde nicht mogelik syn
11
Nene rauwe efte raste de bolerie had
12
Vnde heft alle tyd eynen sorchlyken stad
13
Vnde is in sunden to aller vryst
14
Nicht vnstediger vp erden ist
15
De spelre heft vele vordomelyker dage
16
Vnde henget de sele in de wage
17
Vp deme halszacker waget syn lyff
18
De brasser vnde super heft syn bedryff
19
Myt veleme ouervloyde krencket syn herte
20
Vnde heft vele kranckheyt vnde smerte
21
Des kyuers tyd is nicht de best
22
He vruchtet eynen anderen goek in dem nest
gw5053_stockholm_366_H3v