¶Prolude de ce present liure.
1
Par tout le monde et regions
2
Resonent les scientifficz
3
Denseignemens a legions
4
Faiz par noz peres deificz
5
Et le monde en est tout confiz
6
Que nous disons saincte escripture
7
En nostre loy gist grant droicture
8
Et premierement nous auons
9
La bible des anciens peres
10
En laquelle ainsi que sauons
11
Leurs faictz sont mis sans vituperes
12
Ou nous prenons les bons repaires
13
Et alimens de la pauure ame
14
Qui nayme vertuz est infame
15
Les liures de philozophie
16
Auons ou tous biens sont compris
17
Cest celle ou tout bon homs se fie
18
Dont tous les saiges ont appris
19
Elle est de haultain et grant prix
20
Commodite et grant proffit
21
Loue soit dieu dont il la fist
22
Et toutesfois ie memerueille
23
Dung chacun pauure mortel homme
24
Qui a son salut point ne veille
25
Ains de pechez fait grosse somme
26
Comme dieu tous ne nous assomme
27
Veu que si peu nous le prisons
28
Gardons nous de ses mesprisons
29
Doctrine et grant salubrite
30
Du monde tous les iours on chasse
31
En mal par imbecillite
32
Chacun homme ses bons iours passe
33
Nous iouons tous de passe passe
34
Et mesprisons tous les iours dieu
35
A mal faire nya pas ieu
36
Pallas souloit tenir noz rancs
37
Ca bas au monde et en nostre estre
38
Mais celle ne sommes souffrans
39
Par noz grans pechez et bissextre
40
Et sen est allee es cieulx paistre
41
Amie des sainctz et les sert
42
Discret a bon maistre sassert
43
Bien peu auons de sa droicture
44
Sa prudence et grande science
45
Nulz ou bien peu ont louuerture
46
De probite foy conscience
47
Amour et pitie nest point en ce
48
Chacun mesprise son hault dieu
49
Qui prent vertuz eslist bon lieu
50
Et soit es iours ouuriers et festes
51
Les sacres sainctz bons documens
52
Si doulx gracieux et honnestes
53
La foy et noz enseignemens
54
Celestes endoctrinemens
55
Et bonnes meurs tous desprisons
56
Nostre griefue mort peu prisons
57
Oultre plus du monde le pire
58
Tumbons en erreurs infinitz
59
Releuez en meschant empire
60
Sans vouloir estre diffinitz
61
Par noz pechez sommes finitz
62
Nul de nous nafferme degre
63
Qui ayme dieu est a son gre
64
Et par plains voyes et sentiers
65
Tauernes marchez et par villes
66
Finablement par tous quartiers
67
Excercent gormandises viles
68
Prenans ses chemins inutiles
69
Sans prendre de salut la voye
70
Qui vit en dieu il a grant ioye
71
Nous suiuons caupones tauernes
72
En buuant de tous
buuant de tous ] buuantd et ous GW5058
vins de sorte
gw5058_006_dresden_a3v