(Ohne Titel)
1
¶Or auons nous excerce noz beaulx ieux
2
En ce liure elucidant les yeulx
3
De lumiere et clarte vertueuse
4
Ha ha vertuz qui honnoure les cieulx
5
Et toy raison qui va de mieulx en mieulx
6
Et vous pallas si doulce et fructueuse
7
Toy minerue en tous ars sumptueuse
8
Voz sciences sont si tresbien nommees
9
Que par tous lieux courent voz renommees
10
O castaldie o la noble fontaine
11
Rhetoricque et doctrine haultaine
12
He pardonnez au tresque peu scauent
13
Si ie ne beuz de vostre eau doulce et saine
14
Combien queusse pouuoir sans nulle essaine
15
Et toutesfois ie y fuz trop insauent
16
Ie me prosterne et metz icy dauent
17
Vous suppliant me impartir vostre grace
18
Si ensuiuy nay vostre excellant trace
19
Aumoins que peu et nest chose qui monte
20
A toy dame qui tout hault bien surmonte
21
Et qui refaiz les esperitz labilles
22
Et vous pallas vierge et tresdoulce fonte
23
Au dyamant cler luysant te confronte
24
Mes esperitz et ceulx du monde habilles
25
Pour reciter seroient beaucoup fragilles
26
Tes grans vertuz. donc moy le petit monde
27
Ne puis trouuer louange ou ie me fonde
28
Et tafferer ainsi quil appartient
29
Ton haultain loux que chacun apart tient
30
Qui est si hault si doulx si excellant
31
Si souuerain que tout monde contient
32
Terre et les cieulx ou tousiours se maintient
33
Doncques tu es le secours precellant
34
Qui oncques mes ne fut oyseux ou lent
35
De distiller ta grande rectitude
36
Pour au pecheur donner beatitude
37
Pardonne moy si mon sens de nature
38
Incapable na scauoir douuerture
39
Pour reciter ton vertueux empire
40
Ie chemine soubz ta grant couuerture
41
Et si ne quiers quauoir ta grande oingture
42
Affin que naille tousiours de pis en pire
43
Ie suis celuy qui peu de biens aspire
44
Mais toutesfois en suffisance viz
45
Car plus que iay ne les ay deseruiz
46
Iay fort gemy o deesse pallas
47
Que tout mon temps ie nexsplete pas las
48
A ton seruice et pour auoir ton don
49
De tes vertuz et choir en tes doulx lacz
50
Si bien rempliz de melliflux soulas
51
A toy me rends ie ten requiers pardon
52
Octroye moy O vierge labandon
53
Impetre moy doulce dame benigne
54
Le haultain bien et mansion diuine
gw5058_250_dresden_x3v