210
Myt eddeler daet . beschermet yuwen namen
211
De nicht an desse myne worde ghedenckt
212
Der narren kappe de an syk henckt
[ Kap. 100 ]
1'
¶ De nu kan stryken dat fale perd
2'
De is to houe leeff vnde werd
3'
Wente sodane men dar begherd
4'
Vnde wert van velen narren gheerd
Van deme falen perde
1
¶ My kumpt eyn vordecket schyp nu recht
2
Dar in sette ik der heren knecht
3
Vnde andere de mede to houe ghan lycken
4
Scheten mede hemelych na deme stycken
5
Dat fale perd se stryken vnde leyden
6
Ere worde konen se so bereyden
7
De lesen fedderen . de stryken plumen
8
Vnde voren dat spyl sus vp deme dumen
9
De leeffkoset . de runet hemelik in de oren
10
Dorch sodane wert mannige sake vorworen
gw5053_stockholm_410_M1v