Text aus dem Hauptfenster in Zwischenablage kopieren

[ Kap. 7 ]
1'
¶ De twysschen steen vnde steen syk lecht
2'
Vnde vele lude vp der tungen drecht
3'
Deme wol is myt tweydrachticheyt
4'
Deme weddervaret draden schade vnde leyt
Tvydracht . maken .
1
¶ Mannich heft grote vroude dar an
2
Dat he vorwerret mannygen man
3
Vnde maken kan . dyt quad vppe dat
4
Dar vth vnvruntschop entspringet vnde hath
5
Myt achterrede vnde loggen grod
6
Ghyft he ghar mannigem eynen stod
7
Vnde sparet dar an wer vader edder kynt
8
Vnde maket vth dem vrunde eynen vyent
9
Myt loggen he dar vele tho lecht
10
Dar mede he synen ghelyken besecht
11
Vnde wylt in bychteswys hebben ghedaen
12
Dat yo neen vorwytynge kome dar van
13
Vnde dat he vnder der rosen recht
14
Van gudem hertzen heft ghesecht
gw5053_stockholm_054_e3v