C lxviii
1
¶ Jk brynge welke ander doren
2
De ok int narrenschyp mede horen
3
Alze . de sodanes secht vnde synck
4
Dar mede he boͤse tydynge brynckt
5
Vnde hastet wo he der werde quyd
6
Quade tydinge kumpt to vro alle tyd
7
De ok eyne bodeschop vnrecht werft
8
De schaft lychte dat de meninge vorderft
9
Mannich beer edder wyn vthvorkust
10
Syne breue vnde werf dar ouer vorlust
11
Legge nicht de tasschen vp de banck
12
De loue is nu to malen kranck
13
Dar vmme hebbe dyner breue acht
14
Wente dar an lycht vyl grote macht
15
Wultu weruen de bodeschop vast
16
Spode dy ouer wech myt der hast
17
De bode is loff vnde ere werd
18
De drade kan weruen dat men begherd
19
Men brynget he neen antword wedder vm
20
So is he gheck vnde gans dum
21
Brynckt yemant ok ghern gude tydynge vord
22
De is eyn narre de dat argeste leuer hord
gw5053_stockholm_335_E6r