C lxix
1
¶ Eyn bode hir vor kortes henne leep
2
De vragede vast na deme narrenschep
3
Wy gheuen em eyn stucke van eyner worst
4
Eyne vlassche myt wyne vor den dorst
5
Wy wolden em hebben eynen breff ghedan
6
Do wolde he nicht so lange stan
7
Des kome wy nu ok hir gheghan
8
Meghede vnde knechte . koch vnde kelreman
9
De myt der koͤken synt behaft
10
Wy dragen al vp na kuntschaft
11
Dar vth neen durkop vns entsteyt
12
Wente yd vth vnsem budel nicht gheyt
13
Wan vnse herschop nicht is in dem huse
14
Denne gha wy to degen in deme suse
15
Myt vronden brassers holde wy den trede
16
Sloͤmen . supen vnde tafernen mede
17
So krygen denne ok mannigen stod
18
De kannen . kroͤse vnde vlasschen grod
19
Wan de nacht de herschop slapen ghad
20
Regel vnde doͤre besloten had
21
Nicht drincke wy denne van deme ryngen
22
Wy laten vns van deme besten bryngen
F

gw5053_stockholm_337_F1r