7
Wente na der olden sproke vnde saghe
8
Vnghelucke vnde dreck . wasset alle daghe
9
Men schal eyn kleyn vnlucke affwenden
10
Vp dat neen grotter sus kome ton henden
11
De ist eyn narre de anders deyt
12
Eyn kleyn nicht lange alleyne steyt
13
Kumpt dy quad to . wat yd ok sy
14
Trachte . dat neen arger kome dar by
15
Kanstu . so moͤthe deme klenen gherade
16
So kricht dat grote nene stede so drade
17
Den anfanck schal men . myt flyd affwenden
18
Men wed nicht wo de vthganck wyl enden
19
De wysen ghan em sus vnder ogen
20
Wor se yummer konen vnde mogen
21
Eyn narre eyn kleyne gherynge acht
22
Wente dat eyn grotter em wert ghebracht
23
Myt nawynde de wyse seggelen lerd
24
Eyn narre heft drade . eyn schyp vmmekerd
25
De wyse holt in syner hand
26
Dat roder . vnde kumpt lychtlyk to land
27
Eyn narre vorsteyt syk nicht vp foer
28
Des nympt he vaken eyn gruntror
gw5053_stockholm_458_Q1v